有感而發

尋晚聽到電視<<最佳女主角>>

講到張國榮既自殺

話佢死前已經好唔妥，但好多原因令佢保留唔揾人去幫

我諗起之前睇過本書， 話抑鬱症病人其實並唔想死

好多人會話"如果我係你就唔會死"

"你擁有咁多，你比起誰都幸福"

但點解佢要死，係因為一個病囉，病無人想，亦唔能控制


我明，揸住"我有病"呢個牌，就好似免死金牌好討厭，人地覺得你好似有特權

"病就可以亂發脾氣，病就可以發癲，病就可以唔洗做呀？"

真係好矛盾，我夠好唔想病啦

不如同你交換，你病，你要特權，我做番正常人囉




問題既重點可能係覺得唔被明白，唔被體恤