.

其實人生都真係幾得意

每次番到黎呢個little shelter 都係因為有d感受

今次係因為無意中翻睇左一d前幾年既相

覺得真係好得意

其實睇以前的相會令我懷念從前

覺得呢幾年好多野都唔同曬

生活好不一樣

但大概呢d都系好的改變吧

無再工作的日子真係令我心情好輕松

情緒問題根本就唔存在

近日都系在家中養胎，而家有14wk5

無左之前的作嘔作悶了，只不過係有時食飽會辛苦少少

然後，我的生活唔知幾時無聊到係fb 到走圍玩d 攞獎品既遊戲

由一開始都唔係咁好意思post d game 既post 出黎

因為真系太師奶太貪小便宜啦

到而家玩玩下都發現憑自己既知識水平、創意同文筆，原來都唔難贏到將品

而家玩左幾個禮拜 一個月左右 已經贏到海洋公園飛、摩天輪飛、UA飛、牙刷牙膏、調味料等等

攪到上曬癮咁係咁玩，同係咁POST，都無咩理會唔會太樣衰

其實今日再睇番幾年前的相，關 於我嘅工作相關嘅相

覺得其實我工作 能力絕對唔低，工作態度又好，做野真係好落力，好比心機，其實出黎D野係唔差

只係真係對自己要購太高，令自己好大 壓力，而最重要係我眞係唔鐘 以同人溝通，變左好多時好孤軍作戰

諗番今日，工都唔要，幾萬蚊人工變到一蚊收入都無，終日躲係屋企上FB玩遊戲攞D小恩小惠

真係有D好笑，仲好似好可惜

嗯，其實遲D我應該都匯揾會D野做，但就只會TARGET D HEA工 、政府OFFICE工

而且亦係生完BB再考慮的事

其實而家對於我黎講又好知足

覺得有老公錫， 遲D有BB, 又有屋住，自己本身又無咩欲求，唔要奢侈野

平時煮下野食，攪攪陣試吓整D甜品，無無聊聊仲會煲劇同 撈埋電視汁

幾寫意吖，暫時無野煩

所 以無人工，就好似廢人咁喺屋企，我都唔覺得有問題