shelter
又係唔開心既時候黎番呢個避風塘
我好驚自己有產前抑鬱
本來明明一切安好，覺得自己無野缺，又幸福，仲識得掉番轉頭去安慰人
有時自己D情緒黎，我真係好驚，唔係驚自己，係好驚會影響到BB
我好唔想bb第日學似媽咪有情緒病，真係太恐怖
我一直以黎對個仔既期望就只有一個，就係佢要健康同快樂，其他野都唔求
我自己試過做一個唔開心既人，亦試過做個開心自在既人
但有時點解天意弄人，情緒病其實係咪真係要跟我一世呢
可唔可以好好咁斷尾？
其實我係咪從來都無好過呢？ 我依然係有問題？
就只不過無事無幹咁就無咩野。係咪只要少少問題就可以令我變番做有事既我
點解一個工人，可以令到我同老公之間多咁多摩擦，又令我自己再發覺自己充滿弱點？
只要有少少野唔如意，我既焦慮、抑鬱又再次來襲
未請工人之前就煩惱究竟請唔請好
我並唔系想請0個個，我從來唔慣多個人0係屋企，我絕對唔會自在
我亦都好清楚請工人，對於一個而家唔做野既我，係會有經濟負擔
但點解有時有d野又要迫住黎呢？
我唔做野quit 左份工，其實好自在，亦唔覺得有咩野問題
始終以前壓力好多都係源自份工，或者公司既人事問題
離開左個源頭，自然就無左後面帶黎既所有問題
其實我清楚自己真係承受唔到壓力，會令個病惡化，先至勇敢咁離開
唔知係幸運定不肯，難得個老公會支持我quit
雖然佢既人工真係得我三四成
人工可以話係都幾難負擔養埋我同bb
家庭收入真係算低於average 好多
但我都贊成窮有窮既養法，生活得開心其實又有咩問題
以前我自己屋企一樣係好窮，但我地個個都好乖無學壞，都算讀得成書
我都明白父母係會擔心個女要捱，唔想佢嫁座出去反而生活要倒退
我知我阿爸係好睇重錢，係好以錢去衡量一切，佢可能永遠都唔會理解其實我可以接受到無錢但開心快樂簡單
我都明白呢個世界有世俗眼光，邊個唔係見高拜見低踩，有階級觀念等等
但，可能我自己真係受過情緒病困擾，幾明白無唔開心無煩惱係幾大既恩賜，令我覺得其他錢呀地位呀人地既眼光呀，其實都可以微不足蹈
我可以做到無欲無求，唔再介意其他人係點，總之自己開心舒服就可以
但係，我真係無能為力向我父母解釋，而我又真係太易比人動遙，亦招駕唔到佢地既軟硬兼施同逼攻
可能我從來都唔係一個有主意既人，乜野都容易比人牽住走，只要出現兩個唔同方向，我真係會好抓狂
我可能真係太無自己，亦可能我真系太唔識點違反爸媽既意思
如果你問我想唔想請工人，我諗我會好易搭到你：我唔想
我從來都係一個唔鐘意搵人幫手，咩都鐘意自己搞踮既人
但我承認我自己真係好容易怯，對自己太無信心，覺得自己d 野會做唔黎
爸爸媽媽不停恐嚇我，講到明因為佢地遠同老，一定唔會幫我手湊b，話到明我要自己搞點佢
我話咁好啦，到時唔得再算，到時先再請。佢地就話到時你話請就請呀，到時你搞唔踮無人會幫到你
然後又軟攻話唔想我咁辛苦，話媽媽以前就係窮要頂硬上，又唔識錫自己身體，捱得多，而家成日呢度痛個度痛，後恢都黎唔切
佢話我讀左咁多書，又唔係無條件，有得揀，做乜要咁辛苦自己
我話我其實真係無能力番大壓力既工，我會有病，我會自殺
佢就叫我唔係一定要搵番以前咁多錢，係咁二做下part－time都夠錢養個工人
自己就可以唔洗太辛苦，又唔洗依曬個老公，唔洗同社會脫節，但又可以繼逐湊仔，家務就工人做
我聽到呢度，真係覺得好有道理，好似滿竹曬所有願望咁
我可能真係算好易動遙掛，就此我覺得好似請工人都無壞
然之後同老公講，我每次都企得好硬，佢係100％反對請工人既
可能佢真係好有強逼性既性格，佢100％唔可以比人影響佢本身既生活同規律，所以絕對接受唔到要多個外人在家
加上佢完全唔信人，好似所有野都會向最壞方面諗
不停同我講d工人係會點衰，點樣對bb唔好，點樣賤格，點樣厄僱主，屈僱主
然後不停搵d新聞呀，forum呀，youtube呀比我睇，話d工人點樣變態，點樣虐待bb，點樣雇主對佢好佢都會以怨報德…
佢不停恐嚇我，不停企到好硬話點都唔會請，同佢講親呢個話題就好大脾氣，一係比d好難聽既說話我聽
一係話你自己咁鐘意請請飽佢，第時請著個衰既，佢整死bb，佢搞d咩事，你自己搞踮曬佢，我唔會理你，到時就抵你死
然後又話，你咁鐘意老公養多個女人，到時我地搞埋一齊囉
總之d說話有咁難聽得咁難聽
我真係好難受，我唔係話真係咁想請，但我又怕自己攪唔點，加上父母軟硬兼施，然後再加埋阿嫂極力和議
再之後阿嫂再主動幫我搵agent搵工人，成件事已經好似唔到我再揀，已經有人幫我決定左咁。
到再之後佢幫我約埋時間見agent 同工人，所有野推波助瀾下一下子無啦啦就成左事。
連我自己都接受唔到真係請左。頓時覺得好後悔咁，我都覺得自其實心裡面唔係咁想請。。。
請同唔請之間，當然同我老公不停有好多拗撬，我感覺自己夾係中間
爸爸媽媽係都要我請，我話支出好大，唔想咁大負擔，結果佢地直程係比埋錢我去請，其實我真唔識點樣推卻到
加上自己對於一個人應付湊bb真係好無信心，好怯，好擔心
所以我都選擇左順我父母主意，諗住最多生完就客串做下part－time，亦唔想完全同社會脫節左
我曾經嘗試過用番我爸媽解釋既野同佢講，希望佢明白
但佢好堅決反對我做part－time，話我唔會做得踮，就算做part－time一樣會發癲，個病會出番黎
但其實佢個重點唔係呢個，而係佢問咁你番公個幾日邊個湊bb
佢其實係要求工人絕對唔可以湊bb，少少到唔得。。。
話到明工人只係分擔我d家務，照顧bb一定係又我自己搞踮
其實我真係好無奈，我都知以區一個份糧係請唔起工人，所以我先想做下part－time幫補番工人份糧，但佢偏唔肯
佢就要100％跟佢個套： 佢份糧唔夠請工人，所以唔准請，我要自己一個湊曬仔做曬家務，我唔會理你話咩辛苦，以前d 阿媽夠係咁湊，點解會唔得？
其實佢完全無體諒過我，第一我真係擔心自己應付唔到，唔只係辛苦我自己咁簡單，我驚自己搞唔踮係會有焦慮抑鬱，一陣搞親個仔
最慘就係爸媽為左迫我請工人，好缺絕咁話明到時唔會幫我手
作為一個新手媽媽，你叫我點樣唔擔心唔怯呀
我唔明點解少少選擇都唔比我，我明白經濟唔許可，咁點解連part－time都唔比我做呢
我話想每月搵散工周圍做下，貪佢唔洗跟手尾，就會無壓力，無咁易走番個病出黎
佢就叫我咁點解唔做一兩個月既短工，一次賺曬呢舊錢？
我其實真系理解唔到佢諗咩，我都話唔想長時間做同一份工，我會比自己好大壓力
佢覺得呢d係一勞永逸掛，但我唔系咁諗囉，咁樣會一下ko我
加上1、2 個月番工，我想搵下爸媽幫手湊都難啦，每月間唔中一兩日佢地會易話為好多
點解咁都可以拗？ 佢竟然會話咁你覺得自己應付到番工，咁就我番工，佢唔番負責湊仔
我都唔知系咩道理lor
講到尾佢係好唔信個工人，我明嘅，但唔請都請左
佢仲有好多無謂嘅堅持，例如自己D衫唔洗工人幫佢洗，唔洗工人洗冷氣機隔塵網呢ddelicated 既野，驚佢整爛
同唔比工人抹d吊燈，驚佢擒高擒低有危險，整親就唔知點負責。仲有唔比工人洗bb d衣物，因為驚佢唔識洗，洗得唔幹淨同徙曬d洗衣劑。。。
仲有既係佢唔想比工人自己去買餸，因為唔想比錢佢keep。等等等等
我真系好困擾，我都好明白佢擔心有佢既原因，但其實我真係好無奈，長遠咁樣根本就唔系辦法，究竟佢要適應幾耐先開始敢放手比多d野個工人做呢
我都好辛苦，日日係屋其對住個無咩野做既工人
我好悶佢都好悶
我自己又唔想成日大住個肚去到好遠買餸，但樓下又無咩野買又貴，兩個人一齊搭車去買咪仲貴
我都唔知應該要點做。。。
