.

efa 你好嗎？

我不太好呀。


多久沒來這裡？

每次寫少少又無再寫落去。。

可能我知道我越沉0係一個負面既世界裡，人就必然會越負面

同時亦都可能係因為我想一直逃避


UPDATE一下先，無係到寫野咁耐

其實現實生 活裡有好多野唔同左

首先嘅係，我辭左份工，無再做野； 另外係，我結左婚。

自從無做野之後，當然，我情緒不知幾正常，無咩離奇恐怖的事發生了

總之係一個好的循環： 無情緒問題，生活好好，同老公關係亦都好好

但同一時間，因為好左既關係，早前無意間搵左幾日part time 做

問題就即刻發生


我發現，其實只要一有少少壓力，我就好容易出番問題

雖然因為只做幾日，知道好快就會完，唔洗咁上心，但始終一早野我就好易緊張起來

結過短短幾日，都係在毫無胃口下渡過

以前我一向食好少野時，食得少都唔覺有乜野。

但今次，因為最近幾個月諗住要生bb，所以開始習慣食得多左野，所以呢幾日一唔食就會好肚餓。但同一時間，因為緊張無曬胃口，結果我迫自己食，但就一路食一路覺得好辛苦。。


呢幾日過得唔算難，始終知道係短暫工作，知道無咩後顧之憂。。

但就比我明白到，自己真系好無用，原來就算系一d好小既工作，我情緒都唔系咁應付得黎。。


再者，本身諗住想有bb，但就偏偏因為幾日既頻頻撲撲，結果呢個月又失敗左，我〞凝〞住係因為份part time而失敗的。。亦因為咁，而覺得唔開心同失望


因為情緒明顯比之前無咁好，有時同老公呻，老公就會怪我同好似好嫌棄我。。。

其實我真係好唔開心，或者佢就連我少少少少既唔開心同負面情緒都容不下。。。

少少安慰都唔會有，只會好決絕咁埋怨我。。話我情緒點解要受工作影響，又話咁一係就唔好做。。。。。

其實係佢既世界裡，係唔明白點解我要有任可情緒。。係任何都唔得咁。。

佢叫我一係hea做，乜都唔好理，求求其其，唔好影響自己。一係就話，算啦，你唔適合做，唔好做野。。。。。。。

佢令我再次坎入覺得自己好無用的境地。。



我真系好接受唔到自己就連少小的part time都應付唔到的事實。。

之後再有第d part time 搵我，要做2、3個月，我真係好猶豫唔知應唔應該做好，我話不如是試下，但驚做落去的話，情緒影響就一定唔會有bb，結過老公就好堅決叫我唔好做。。。


推完一個，今日又有人打黎叫我去in part time，呢份短期少少，3個星期左右，其實我好想試下，但都系果個問題，驚一做野就好難成孕，就算成孕都驚好易會無左，所以我又打比老公問佢點好。。。

結果老公又係叫我唔好做。。。。其實我真係好矛盾，我諗我係太想証明自己其實都應付得黎，但又好怕要冒險生唔到bb，所以唔敢搏。。我問老公好唔好唔生bb 住，佢二話不說話咁唔生囉，我知係激獎法，我知自己根本就唔會為呢d part time 而放棄每一次有bb既機會。。。。


結果最後又係死死地氣打去cancel左 個interview。。真系好矛盾呀


想要bb唔系咁容易，一直無bb 又覺得自己唔做野留係屋企好似好徙咁。。。唉