今次我已經決定左，知道自己無得選擇了，唔可以唔去睇精神科。
黎到今日，我都覺得好悲哀，我都唔知自己發生咩事，見左兩年心理學家，點解仲要差過最初。
近半年左右，我每次見完cp, 番到去就會出事，唔開心，然後傷害自己，到而家打埋男朋友。
我變得越黎越暴戾，變得完全控制唔到自己，我開始唔止想死，係好想死，仲諗緊點實行，我好唔想係呢個世界。
我既"down "同"癲"既程度變得好極端。我變得更加抑壓，然後更加激動。
我開始連自己都呃埋，我要呃自己我無事，所以我平日裝作好無事，然後我都相信我自己會無事。。。
可能就係因為咁，再加上忙，忙到無機會理自己感受。
剛過去既星期六，見cp, 再一次我無法在欺騙自己當中，ready 好發現、面對和接受自己的問題。
